انا الـ سامحتها من البدايه ومكنش المفروض اسامحها
اما عرفت انها كانت قبل علاقتنا كانت في حياتها شخص تاني ووصلت علاقتهم للجنس !
عشان كدا كان لازم أقتلها
القصه بتبدأ في شتاء 2019 اما وصلني رساله علي الفيسبوك من بنت أسمها #أمنيه
شوفت رسالتها بعدها بكام ساعه
لقيتها باعته رساله بتقولي عاوزه اتكلم معاك
سالتها حضرتك مين واحنا نعرف بعض !
قالت لا احنا منعرفش بعض بس صفحتك علي الفيسبوك ظهرت قدامي ودخلت فيها وشوفت منشوراتك وحبيتها وحسيت اننا نشبه بعض وممكن نكون اصحاب ! ده لو ميدايقكش
قولتلها لا مش مدايق بس ممكن اعرف منشورات اي ال عجبتك
قالت لاحظت انك مهتم بالمزيكا والرويات وتحديد منشوراتك عن روايه الدكتور أحمد خالد توفيق #ما_وراء_الطبيعه واهتمامك بالابراج
بالمناسبه انا برج #العقرب مش عارفه هيكون بنا توافق كاصحاب بس ولا الجنون هيوصلنا لأكتر من كدا
في الحقيقه في البدايه انا كنت حذر جدآ معاها علي افتراض ان ده مقلب من حد من اصحابي
لكن بعد شوي يوم وتاني كلامنا بدأ يزيد لدرجه ان تقريبا ولمده اسبوع كامل بنتكلم ممكن ف اليوم اكتر من 10 ساعات حرفيا
المهم
قولتلها اه انا بحب المزيكا والكمانجا والساكسفون دي كلها نغم برتاح اما بستمع اليها
بس انتي تقصدي اي بالجنون هيوصلنا لأكتر من كدا !
قالت : اقصد أني ( #بحبك )
انا: بتحبيني ! أزاي يعني ده احنا يدوب اول نص ساعه نتكلم فيهم !
أنتي كدا بتهزري او حد بيعمل فيا مقلب ؟
قالت: لا والله انا فعلا معرفكش ولا انا حد من اصحابك واول مره اشوفك شوفت صورك بس علي الفيس انما مشفتكش في الحقيقه بس انا حبيتك بجد ومش عارفه أزاي
وأسفه ان كنت بدأت كلامي معاك بأننا نكون اصحاب ودلوقتي بقولك اني بحبك بس ده فعلا الـ حصل
الموضوع بالنسبالي كان مريب جدآ ولكن بدأت أتجاوب معاها خصوصآ ان الفتره دي كانت فتره صعبه عليا اووي وكنت لسه خارج من علاقه مدمره حياتي وأما ظهرت أمنية في حياتي بدأت أنشغل عن كل الافكار الـ بتسبب ليا الم وحزن واتكلم اكتر معاها
المهم : قولتلها تمام شئ جميل أنك تحبيني بس ألاجمل أني أبادلك نفس الحب ؟ وهبادلك أزاي وانا لسه معرفكيش ولا أعرف عنك أي حاجه
قالت : هتعرفني وهتحبني وانا هحكيلك عن نفسي كل الـ أنت عاوز تعرفه
قولتلها طيب الاول أنتي منين وعندك كام سنه !
قالت : أنا من #الأسكندرية وعندي 19 سنه
قولتلها : طب احكيلي أكتر عن نفسك كل حاجه انتي هتردي علي قد الكلام ! قوليلي هل كان في حد في حياتك قبل كدا واي الـ حصل وكل كلام ده
قالت : ايوا كان في حد في حياتي قبل كدا وأرتبطنا سنتين ولكن خلاص كل واحد راح لحال سبيله .
وأنفصلنا !
انا : ممكن اعرف ليه أنفصلتم ؟
قالت : أنا مش عاوزه احكي دلوقتي في موضوع ده لأنه بيدايقني بس أنا مقدره أنك عاوز تعرف وده حقك
لكن عشان برضو أكون صريحه معاك انا اتعرفت عليه في الموقف وهو أًصلا سواق علي ميكروباص
انا كنت ساذجه وصغيره وفرحانه بأي حد يقولي بحبك عشان كدا حبيته وكان قايلي انه هيخطبني وهيقابل أهلي
وفعلا قابل بابا ولكن طبعا رفض كون أن أنا لسه صغيره وبدرس لسه في ثانويه عامه وهو سواق ميكروباص !
لكن انا كملت معاه من وراهم كلهم
أنا : كملي وسبته بعض ليه ؟
قالت : سبنا بعض عادي طلع كذاب وبيضحك عليا وكان بس قابل بابا كدا عشان يقنعني أنه عاوز يتجوزني فعلا
لكنه في الحقيقه دي لعبه قذره كان عاملها عشان يقدر يقنعني انه يخرج معايا وكدا يعني
انا : طب هسألك سؤال وردي عليا بصراحه . هل حصل بنكم حاجه كدا او كدا ؟ وقبل ما تجاوبي حاولي تكوني صريحه عشان يبقي من الاول علاقتنا علي نور
قالت : والله ما هكذب وهقولك كل حاجه .
حقيقه حصلت اني مره خرجت معاه ووقف بالميكروباص في مكان مقطوع وخد مني بوسه
بس انا وقتها ادايقت وعيط وقولتله روحني وعاوزه امشي
ومشينا فعلا
بس محصلش اكتر من كدا
بس في الاخر ضحك عليا وصالحني تاني
وفضلنا كدا لحد ما اكتشفت أنه مصاحب وحده أنا عارفها هيا اكبر مني بـ سنه بس معايا في المدرسه
وأكتشفت أنه بيضحك عليا وزي ما قابل بابا قابل بابها وتقريبا هو بيعمل كدا مع كل وحده تعجبه عشان بس يقنعها أنه جد وغرضه شريف لكن هو كان انسان وسخ !
قولتلها : امممم بس كدا يعني الـ حصل ردي بصراحه ؟
قالت : والله دي كل حاجه حصلت
كل الكلام ده كان في اول محادثه لنا علي الفيسبوك تقريبا في اول ساعه نتكلم فيها مع بعض
والامور تطورت بالشكل الغريب ده لكني كنت مبسوط او لقيت الـ يشغلني عن حبي القديم
ومكدبش عليكم في اول معرفتنا ببعض انا كنت واخد الموضوع بهزار او اسف يعني انا كمان كنت بتسلي مش أكتر
لكن كل يوم كان بيعدي كنا بنعرف بعض اكتر وبنتكلم اكتر
لحد ما جه #اليوم_السابع
اكمل القراءه
تعليقات
إرسال تعليق